इ.४थी-विषय-भाषा-चिमणी व पिलू संवाद

☄☄☄☄☄☄☄☄☄
*चिमणी व पिलू यांचा संवाद*

*चिमणी-*चिमण्या मी येते रे ,तुझ्या साठी जेवण घेवून.
*चिमण्या-*हो ग आई,मला खूप भूक लागलीय.

*चिमणी-* पण ऐक खाली उडी मारायचा प्रयत्न करु नकोस लहान आहेस अजून तू.

*चिमण्या-*ये आई ,मला कधी उडता येईल गं ?
*चिमणी-* येईल हो बाळा,
तुझे पंखांचा विकास झाला की.

*चिमण्या-*ये आई ,ऐक ना ! आपले नातेवाईक खूपच कमी दिसतात,
कुठे गेले ग सारे ?
*चिमणी-*हो ना ,याचेच तर दुःख आहे रे बाळा,
नंतर आपण ही राहू की नाही .

*चिमण्या-*मी तुला हे विचारुन दुःख दिले का ग ,सांग ना !
*चिमणी-*अरे बाळ हेच सत्य आहे,पण काही करु शकत नाही,
जे काही करायचे ते मानवाला करायचेय,
तेच आपले रक्षण करु शकतात.

*चिमण्या-*करतील का ग ते आपलं रक्षण?
*चिमणी-*हो रे बाळा ,प्रचार सुरु आहे,
आपल्या साठी घरट ही ठेवत आहेत सगळी,
त्यांच्या प्रयत्नांना यश येवो.

*चिमण्या-*का ग आई,
आपली घरटी कमी होत आहेत का?
*चिमणी-*हो रे चिमण्या,
वृक्षतोड होतेय,
त्या मानाने वृक्षलागवड ,वृक्षारोपन,वृक्षसंवर्धन होत नाही ये,
मग सांग बर आपल्याला घर कसे राहिलं ?
*----------------------------*
✍🏻सौ.जया नेरे (पाटील)
नंदुरबार
☄☄☄☄☄☄☄☄☄